Ontstaan van het vaandel

Inleiding:

De héraldiék of waope-kunde dangk zién ôngksjtaon aan 't waope-sjild. De middel-iëwse ridder zôch achter 't sjild zién beveiliging taenge sjtaek- en sjlaag-waopes van de vié-jande. Umdet idderein op 't sjlaagveld ein harnas droog, gaove sjilders de waope-sjilde simpele figure, zoëdet me in 't heits van de sjtriéd wis wae ziéne vrind of vié-jand waas. Umdet éine aug-opslaag al genôg môs zién um de taengesjtander te kênne herkênne (en det is vur 'ne Tegelier erg belan­griék!), woord de besjildering met de grôtste einvoud aangebrach.

In de héraldiék guêf 't de meis oéteinloupende vorme van sjilde. 't Manshoëge Noor­manne-sjild, 't dree-j-heukigge Gotié-se en laat-Gotiése-sjild, wié-j auch de miër zjwiérig­ge Renaissance-, ovale Barokke- en á-siémeetriése Rococo-sjilde.

In d'n tiéd van de oprichting van de Garde waas 't laat-Gotiése-sjild 't meis in zjwang, dus is 't logiésch um heej-bee-j aan te sjloéte.

't Blazoéneere

Het veld van ôs waope is sjúun gekwartilleerd door 't aanbringe twiëje gekrúuste grenspaöl, symbool vur 't bewaake van de limiete (grenze) met Duitsland en Venlo. Op dees meneër ôngksjtaon d'r veer kwarteere. Umdet alles bezeën môt waere vanoét de posisiéj van de draager van 't sjild sjtaon in 't rechter-kwarteër de vertiékaal verbônge krúutse, wat sjteit vur vruch­baarheid en niéj begin (oorkonde in de luip van ôs gewaer!). 't Linkertkwarteër wuêrt geteikend door de 'Fleur de lis', de Franse Leliéj, oét d'n tiéd det weej begôste.

't Baove-kwarteër vermelt 't jaor van oprichting van de Garde en 't ônger-kwarteër, auchwaal de 'punt van 't sjild', verwiés nao Sintermerte.

De held-haftigge Romeinse sjôldaot MARTINUS dae door 't veur is gegaon vur vuêle (en neet allein vur de baedelaer) is ein veurtreffelik veurbeeld van 't symbool vur 'de helpende hangk-toé-sjtaeke & ônversjrôkkenheid. Baovenal röp de H. Martinus de ônver­braekelikke bangk met Tegele op.

De kleure

De kombinaasiéj-kleure KEEL (= roëd) en GOUD (= gael) verwiéze nao de basis van de kleure van de Tegelse vlagk en de kombinaasiéj LAZUUR (= bla­uw) en KEEL nao de kleure van os tenue.